Plantun de Prouvènço

Pèr coumpara dos planto d'encò nostre

Valerianella locusta & Pedicularis comosa

fotò
fotò
Douceto

Valerianella locusta

Caprifoliaceae Valerianaceae

Àutri noum : Grasseto, Pan-froument, Raspello, Agnelet, Lachugueto.

Noms en français : Mâche potagère, Doucette potagère.

Descripcioun :
La douceto es uno erbo fèro bèn couneigudo qu'es aro proun samenado e culido coume ensalado. Se destrìo dis àutri Valerianella qu'a quàsi ges de calice à si flour. Li formo fèro soun bluio (fotò), alor que li cultivado soun blanco (fotò peréu). Trachis dins li relarg un pau umido e sablous. S'atrobo dos varieta, l'uno à fru larg (V. locusta s.s.) e l'autro à fru mai alounga (V. carinata s.s.), vèire li dessin.

Usanço :
Forço goustouso ensalado champanello o cultivado. Dóu latin Valere, valènt à dire "se bèn pourta", la planto èi vertuouso. Es uno bono desgreissarello pèr li regime ameigrissènt.

Port : Erbo
Taio : 10 à 60 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Valerianella
Famiho : Caprifoliaceae
Famiho classico : Valerianaceae

Ordre : Dipsacales

Coulour de la flour : Bluio
Petalo : 5
Ø (o loungour) flour : 1 à 2 mm
Flourido : Printèms

Sòu : Ca
Autour basso e auto : 0 à 1600 m
Aparado : Noun
Remarco : Ensalado champanello
Mars à jun

Liò : Pelouso umido - Sablo - Bos clar - Champ
Estànci : Termoumediterran à Mountagnard
Couroulougi : Éurimediterrano
Ref. sc. : Valerianella locusta (L.) Laterr., 1821

fotò
fotò
Erbo-di-pesou(-capeludo)

Pedicularis comosa

Orobanchaceae Scrophulariaceae

Nom en français : Pédiculaire chevelue.

Descripcioun :
Erbo-di-pesou di flour blanco que trachis sus li roucaio e tepiero de mountagno. Fai de gròssi fueio de 1,5 à 4 cm de larjo. L'enflourejado es en grosso grapo de 4 à 7 cm de long emé de bratèio. La labro de dessubre de la flour s'acabo emé dos dènt pounchudo (fotò). La subsp. dis Aup, ié dison comosa (flour jauno). Coumpara emé l'erbo-di-pesou-ramado que ié sèmblo, mai qu'a de gròssi bratèio.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Pedicularis
Famiho : Orobanchaceae
Famiho classico : Scrophulariaceae

Ordre : Lamiales

Coulour de la flour : Jauno
Petalo : irreguliero
Ø (o loungour) enflourejado : 4 à 7 cm
Flourido : Printèms - Estiéu

Sòu : Ca
Autour basso e auto : 1200 à 2400 m
Aparado : Noun
Abriéu à juliet

Liò : Pelouso - Roucaio - Roucas
Estànci : Mountagnard à Subaupen
Couroulougi : Ouroufito-Sud-Éuroupenco
Ref. sc. : Pedicularis comosa L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
ges
ges
ges
ges
ges
R
C
C

Valerianella locusta & Pedicularis comosa

CC
R
CC
C
C
CC
CC
CC

Coumpara Douceto emé uno autro planto

fotò

Coumpara Erbo-di-pesou(-capeludo) emé uno autro planto

fotò